(1937 – 2014)

Bülbül adına Orta İxtisas Musiqi Məktəbində ilk musiqi təhsilini almışdır. Daha sonra Üzeyir Hacıbəyli adına Azərbaycan Dövlət Konservatoriyasına daxil olaraq orada bəstəkarlıq üzrə dərs almışdır. Onun müəllimləri arasında görkəmli bəstəkarlar və musiqi nəzəriyyəçiləri də olub. Aqşin Əlizadə ilk ciddi musiqi əsərlərini tələbəlik illərində bəstələmişdir. Onun bəstələri bir çox nüfuzlu festivallarda səsləndirilmiş və diplomlarla təltif olunmuşdur. Bəstəkar Azərbaycan Bəstəkarlar İttifaqı İdarə Heyətinin katibi (1979-1985-ci illərdə), 1985-1990-cı illərdə birinci katib olmuşdur. 60 illik yubileyi münasibətilə “Şöhrət” ordeni ilə təltif olunmuşdur.