(1950)

Azərbaycan bəstəkarı, Azərbaycan Respublikasının əməkdar artisti (1992). 1968-ci ildə Şəki Musiqi Texnikumunu bitirdikdən sonra Üzeyir Hacıbəyov adına Azərbaycan Dövlət Konservatoriyasının xalq çalğı alətləri şöbəsinə daxil olub. İki ildən sonra o, bəstəkarlıq fakültəsinə keçib və 1975-ci ildə görkəmli bəstəkar, professor Cövdət Hacıyevin sinfində oranı bitirib. O, tələbəlik illərində milli musiqini müasir bəstəkarlıq texnikası ilə sintez edərək yeni musiqi üslubu kəşf edib, ilk dəfə saz və zurnanı simfonik orkestrin tərkibinə daxil etmiş və onlardan əsas alət kimi istifadə etmişdir. Cavanşir Quliyev Azərbaycan ordusunun sevimli marş mahnısına çevrilmiş “Azərbaycan Əskəri” mahnısının müəllifidir. Humay mükafatına (2000); Azərbaycan Kinematoqrafçılar İttifaqının “Milli kinoya xidmətlərinə görə” mükafatı (2015); və "Sübhün səfiri" filmi üçün ən yaxşı orijinal musiqiyə görə Qızıl Pəri Mükafatına layiq görülmüşdür.