(1941-1975)
1965-1970-ci illərin görkəmli Azərbaycan xanəndəsi.
Zərdab rayonunun Məlikli kəndində doğulub. Mürşüd 1959-cu ildə Bakıya gedərək Kitabxanaçılıq Texnikumunun Klub işçisi şöbəsinə, sonra isə indiki İncəsənət Universitetinin Musiqili komediya aktyorluğu fakültəsinə qəbul olunub və təhsilini uğurla başa vurub.
Onun xanəndəlik istedadını çox bəyənən o illərin görkəmli müğənnisi Qulu Əsgərov Mürşüdə ayrıca muğam dərsi də keçib və həmyerlimiz o dövrün ən qabaqcıl musiqi qrupu olan Əhməd Bakıxanovun Xalq çalğı alətləri ansamblında oxumağa başlayıb. Beləliklə, Mürşüd Abbasov Azərbaycan Dövlət Filarmoniyasının solisti olub.
Çox təəssüf ki, parlaq istedadlı xanəndə həmyerlimiz ömrünün 34-cü baharında – 1975-ci il avqustun 15-də qastroldan qayıdarkən təyyarə qəzasında faciəli şəkildə həlak olub.
