(1950)
Azərbaycan violonçelçalanı, İstanbul Dövlət Musiqi Konservatoriyasının simli alətlər kafedrasının professoru, Azərbaycan Respublikasının xalq artisti (2005). "Çello's timbre" violonçel ansamblının yaradıcısı.
1968-1973-cü illərdə Üzeyir Hacıbəyov adına Azərbaycan Dövlət Konservatoriyasında Sabir Əliyevin sinfində təhsil alıb. İkinci kursda o, Zaqafqaziya musiqiçiləri müsabiqəsinin diplom laureatı və laureatı kimi tanınıb və 3-cü Ümumdünya violonçel müsabiqəsində fəxri diploma layiq görülüb. 1975-1977-ci illərdə Moskva Dövlət Konservatoriyasında təhsil alıb. 1981-ci ildə Eldar İskəndərov Ümumdünya Ali Təhsil Tələbələrinin Yaradıcılığı Festivalında fəxri fərmanla təltif olunub. Elə həmin il Lvovda, 1988-ci ildə isə Tbilisidə ixtisas kurslarını bitirib. Eldar İskəndərov bir çox Azərbaycan bəstəkarları ilə əməkdaşlıq etmiş, bir neçə əsərin yaradılmasında fəal iştirak etmiş, onların ilk ifaçısı, redaktoru və tərcüməçisi kimi fəaliyyət göstərmişdir.
