Xəbərlər

Xocalı faciəsi kimi, kütləvi və amansız qırğın aktı Azərbaycanın dövlət müstəqilliyinə və ərazi bütövlüyünə qarşı çevrilmiş terror siyasətinin təzahürü olmaqla, təkcə azərbaycanlılara qarşı deyil, bütövlükdə insanlıq əleyhinə törədilmiş qəddar cinayət aktıdır.

Xocalı soyqırımının otuzuncu ildönümü haqqında Azərbaycan Respublikası Prezidentinin Sərəncamı və Mədəniyyət Nazirliyinin Tədbirlər Planına uyğun keçirilən tədbirlərin davamı olaraq Milli Kitabxananın əməkdaşları tərəfindən Xocalı qətliamı ilə bağlı “Khojaly tragedy – 30” adlı ingilis dilində fotosərgi hazırlanıb. Fotosərgidə ingilis dilində Azərbaycanın görkəmli şəxsiyyətlərinin Xocalı soyqırımı haqqında fikirləri, Xocalı ağrısını özündə əks etdirən fotolar nümayiş olunur. Təqdim olunan fotosərginin ingilis dilində hazırlanmasında əsas məqsəd dünya ictimaiyyətini erməni qəsbkarlarının törətdiyi cinayətlər barədə məlumatlandırmaqdır.

Fotosərgi ilə tanış olmaq istəyənlər http://anl.az/el/vsb/Khojaly_tragedy_30/index.htm linkindən istifadə edə bilərlər.