Xəbərlər

07.12.2018-ci il tarixində Suraxanı rayonu B.Qulamoğlu adına 285 saylı tam orta məktəbin VIb sinif şagirdləri Azərbaycan Milli Kitabxanasında ekskursiyada olmuşlar. Şagirdlər Milli Kitabxananın binası ilə tanış olmuş, iş prosesini izləmişlər.

Kitabxananın sərgi zalında yer almış  “Azəbaycan Xalq Cümhuriyyəti-100”,  “Yaddan çıxmaz Qarabağ” sərgiləri ilə tanış olmuşlar.

Milli Kitabxananın Nadir kitablar və kitabxana muzeyi şöbəsində olarkən muzeydə qorunan unikal və miniatür kitablarla tanışlıq onlarda böyük maraq hissi oyatmışdır. Kitabxananın Not nəşrləri və səsyazmaları söbəsi ilə tanışlıqdan böyük həzz almış, Azərbaycan bəstəkarlarının – Faiq Sücəddinovun, Üzeyr Hacibəyovun və s. bəstələrini dinləmişlər.

 Sonda şagirdlər Milli Kitabxananın nəzdində fəaliyyət göstərən Açıq Kitabxana ilə tanış olmuşlar.

Uşaqlara rəhbərlik edən müəllimə Kərimova Rəsmiyyə və məktəb kitabxanasının müdiri Vüsalə Alıyeva  xanım şagirdlərin Milli Kitabxanadan unudulmaz xoş hisslərlə ayrılıqlarını xüsusi vurğulamış, gələcəkdə tələbə olaraq kitabxananın oxucusu olmalarını arzulamışlar.