Hörmətli Oxucular!

Nəzərinizə çatdırırıq ki, Nazirlər Kabinetinin 24 sentyabr 2021-ci il tarixli 280 nömrəli “Xüsusi karantin rejimində bəzi məhdudiyyətlərin aradan qaldırılması ilə bağlı əlavə tədbirlər barədə” qərarına əsasən Milli Kitabxana oktyabr ayının 1-dən tam şəkildə daimi işlədiyi qrafik üzrə (bilavasitə kitabxana binasında) oxuculara xidmət etməyə başlayır.

Milli Kitabxana eyni zamanda oxucu zallarının ümumi tutumunun 50 faizindən çox olmamaqla oxucuya xidmət edə bilər və yalnız COVID-19 pasportu olan şəxslər (yaşı 18-dən aşağı olan şəxslər istisna olmaqla) kitabxanadan istifadə edə bilərlər. Beləliklə, yalnız COVID-19-a qarşı peyvənd sertifikatı və ya COVID-19-a qarşı immunitet sertifikatı olan şəxslər kitabxanaya buraxılacaq.

Sizdən kitabxanaya daxil olarkən maskadan istifadə etməyiniz, əməkdaşlarımız tərəfindən hərarətin xüsusi cihazla ölçülməsinə şərait yaratmağınız, içəri daxil olduqdan sonra əlləri dezinfeksiyaedici məhlulla dezinfeksiya etməyiniz, habelə  COVID-19-a qarşı peyvənd sertifikatını və ya COVID-19-a qarşı immunitet sertifikatını kitabxananın əməkdaşlarına göstərməyiniz xahiş olunur.

Sizləri uzun fasilədən sonra Milli Kitabxanada görmək bizim üçün xoşdur.

Müdiriyyət